Sörur

Sörur frá Ástríði Guðmundsdóttur

40 – 50 stk.

200 g möndlur

3 1/4 dl flórsykur, sigtaður

3 eggjahvítur

Smjörkrem:

3/4 dl sykur

3/4 dl vatn

3 eggjarauður

150 g smjör, helst ósaltað, lint

1 msk kakóduft

1 tsk skyndikaffiduft

250 g hjúpsúkkulaði, dökkt ( Ópal hjúpsúkkulaði er best )

Ofninn hitaður í 180 C gráður. Möndlurnar fínmalaðar í matvinnsluvél eða blandara og flórsykrinum hrært saman við. Eggjahvíturnar stífþeyttar og síðan er möndlublöndunni hrært gætilega saman við með sleikju. Sett með teskeið á pappírsklæddar bökunarplötur og kökurnar bakaðar í 12-15 mínútur og látnar kólna.

Sykur og vatn sett í pott, hitað að suðu og hrært þar til sykurinn er uppleystur en síðan soðið áfram þar til lögurinn hefur þykknað ögn en er ekkert farinn að breyta lit, eða í 8 til 10 mínútur. Eggjarauðurnar þeyttar mjög vel og síðan er heitum sykurleginum þeytt saman við í mjórri bunu. Fara þarf varlega svo hann slettist ekki um allt og er best að hella honum ekki beint á þeytarana. Látið kólna nokkuð og síðan er linu smjörinu þeytt saman við og að lokum kakódufti og kaffi, ef það er notað. Kælt vel. Súkkulaðið brætt í vatnsbaði eða örbylgjuofni og síðan er köldu kreminu smurt nokkuð þykkt á botninn á marenskökunum og þeim síðan dýft í súkkulaðið ( á að vera um 40 C gráður), þannig að kremhliðin sé þakin súkkulaði. Kökurnar er best að geyma í kæli eða í frysti.

Þessar smákökur, sem eiginlega eru hálfgert konfekt, eru kenndar við hina frægu frönsku leikkonu, Sarah Bernhardt, og munu hafa orðið til í Danmörku snemma á 20. öld, raunar upphaflega sem terta en ekki smákökur. Þær eru alkunnar í Danmörku og hér á landi en ofsagt er að þær séu heimsþekktar, eins og stundum er fullyrt.

Roasted Lemon Cilantro Chicken

Cilantro, lemon and garlic infuse the meat with flavor while it roasts. The paste may be doubled, reserving half to serve as an accompaniment to the chicken. Requires some advance preparation.

Lynda Balslev

Makes 4 to 5 servings

2 large garlic cloves

1/2 cup chopped fresh cilantro sprigs

2 tablespoons freshly squeezed lemon juice

3 teaspoons sea salt, divided

1 teaspoon finely grated lemon zest

1/4 teaspoon saffron threads

3 tablespoons extra-virgin olive oil, divided

1 whole 3- to 4-pound chicken

1 teaspoon freshly ground black pepper

For the paste, combine garlic, cilantro, lemon juice, 2 teaspoons salt, lemon zest and saffron in a mortar with pestle or bowl of a food processor. Smash or grind to a paste. Stir or pulse in 2 tablespoons olive oil.

Gently slide your fingers between the breast meat and skin and rub the paste all over the meat, carefully reaching the upper thighs without tearing the skin. Rub additional paste inside the cavity. Brush the outside of the skin with 1 tablespoon olive oil. Sprinkle with 1 teaspoon salt and black pepper. Place on tray or platter, breast-side up and cover loosely with plastic wrap. Refrigerate at least 2 hours and up to 6 hours. Remove from refrigerator 30 minutes before roasting.

Preheat oven to 450 degrees. Place chicken, breast-side up, in a roasting pan. Roast for 20 minutes. Carefully turn chicken over with tongs. Roast another 20 minutes. Turn chicken over once more, breast-side up. Continue roasting 20 minutes.

Check to see if chicken is done by carefully cutting skin between breast and thigh. If meat is pink, return to oven for an additional 10 to 15 minutes. Chicken is cooked when meat is no longer pink, and clear juices run from the thigh when pierced with a knife. Remove from oven, cover loosely with foil and let rest 15 minutes before carving.

From New York Times

Rauðkál

½ rauðkálshaus

100 g smjör

2 dl púðursykur

2 dl hrásykur

2 kanilstangir

3 dl rauðvínsedik

Setjið smjörið í pott og bræðið. Skerið rauðkálið smátt og setjið í pottinn. Látið það mýjast vel í smjörinu. Þá er sykrinum, kanilstöngunum og rauðvínsedikinu bætt út í. Látið sjóða í 40 mínútur.

Leyfið rauðkálinu að kólna á hellunni og setjið svo í krukkur.

Piparkökur

150 g (1 3/4 dl) ljós eða dökkur púðursykur
250 g (1 1/2 dl) síróp
1 tsk engifer
3 tsk kanill
1/2 - 2/4 tsk negull
150 g smjör eða smjörlíki
1 egg
2 tsk sódaduft
5-600 g hveiti (10-12 dl)
Suðan látin koma upp á sykri, sírópi og kryddi, sódaduft hrært saman við meðan það er heitt, þar til lögurinn er orðinn að léttri kvoðu. Smjörið sett í skál og blöndunni hellt heitri yfir.
Hrært í þar til smjörið er bráðið, blandið þá egginu í og síðast hveitinu, en ekki fyrr en blandan er alveg köld. Deigið hnoðað saman á borði. Þá má fletja það út strax og skera út kökur. Kringlóttar eða myndakökur sem skreyta má. Líka má gera kökuhús.
Líka má geyma deigið í kæliskáp í nokkra daga. Ekki nota meira hveiti en nauðsyn er þegar það er flatt út. Kökurnar eru bakaðar við 225 g hita í ca 8 mínútur. Kökurnar teknar af pönnunni strax, áður en þær harðna. Úr þessu eiga að koma 130-140 kökur af venjulegri stærð.

Rauðrófupottréttur

Rauðrófupottréttur

1 msk kaldpressuð olía, t.d. kókos eða ólífu

1 rauðlaukur, smátt saxaður

1 hvítlauksrif, pressað

1 msk fínt saxaður engifer

1 limelauf

1 ½ tsk malað cuminduft

1 tsk karrýduft eða curry paste

½ tsk turmeric

½ - 1 tsk himalayasalt

1/8 tsk cayenne pipar

3 stk meðalstórar rauðrófur

1 stk sæt kartafla

½ - 1 dós kókosmjólk

nokkrar kókosflögur*

ferskur kóríander

skerið laukinn í þunnar sneiðar, afhýðið rauðrófur og sætar kartöflur og skerið í litla bita. Mýkið laukinn í olíu í um 10 mín, en passið að hann brenni ekki. Kryddið og bætið rauðrófum, sætum kartöflum og kókosmjólk útí og sjóðið í minnst 1 klst. Mér finnst þessi réttur betri því lengur sem hann fær að sjóða. Þurristið kókosflögurnar á þurripönnu, fíntsaxið kóríanderinn og stráið þessu yfir réttinn áður en þið berið hann fram. Hann er frábær með fullt fullt af grænu salati.

Rauðrófu kokteill

1 kg rauðrófur

2 sellerístilkar

½ agúrka

5 cm biti fersk engiferrót

1 lime, afhýtt

½ tsk Alkalive duft

fullt af klaka

smá himalayasalt

setjið rauðrófur, sellerí, agúrku, engiferrót og lime í gegnum safapressu. Setjið þetta síðan í blandara með Alkalive duftinu, klakanum og smá himalayasalti og blandið vel saman.

Rauðrófusalat m/fræjum

2 rauðrófur, afhýddar og rifnar á grófu rifjárni

1 mangó, skorið í litla teninga

½ dl sesamfræ*

½ dl sólblómafræ*

½ dl graskerjafræ*

½ dl tamarisósa*

1 msk agavesýróp*

smá chilipipar og himalayasalt

salatsósa:

½ dl kaldpressuð ólífuolía

¼ dl ristuð sesamolía

2 msk sítrónu eða limesafi

2 msk tamarisósa*

2 msk fínt rifin engiferrót

1 hvítlauksrif, pressað

1 tsk wasabi duft eða ¼ tsk wasabi paste

Rífið rauðrófurnar á rifjárni og skerið mangóið í litla bita og setjið í skál. Setjið fræin í skál með tamarisósu, agavesýrópi og smá chilipipar og himalayasalti, blandið þessu vel saman og látið standa í um 15 mín. Þið getið annað hvort notað fræin svona marineruð eða marinerað þau fyrst og sett þau síðan í ofn og bakað þau við 200°c í um 5 mín. Setjið þau útí salatið. Hrærið öllu saman sem á að fara í salatsósuna og hellið yfir salatið.

Sætar kartöflur í hnetu- og engifersósu

Sætar kartöflur eru notaðar mikið í vestur Afríku og ásamt hnetum gerir þennan rétt bæði saðsaman og sætkryddaðan. Það er kannski svolítið skrítin innihaldlýsingin...ananassafi, hnetusmjör og hvítkál!!! Trúið mér samt að maturinn er rosa góður. Rétturinn hentar börnum einkar vel þar sem hann er mildur en mátulega kryddaður og fullur af hollu grænmeti. Þess skal þó gætt að börnin hafi ekki ofnæmi fyrir hnetum áður en þau byrja að borða matinn þar sem jarðhnetur eru einn almesti ofnæmisvaldur ungra barna. Þessi réttur er úr bókinni World Food Cafe og heitir eftir samnefndum veitingastað í London. Staðurinn er einn af mínum uppáhaldsstöðum í London og bókin er ein af mínum uppáhalds líka. Ég á eftir að setja inn margar uppskriftir úr þessarri bók á vefinn. Kannski geri ég einhvern tímann svona World Food Cafe Sigrun bók... hver veit! Gerið nóg af þessum mat því hann er rosa góður daginn eftir og helst ef hann fær að malla á vægum hita undir loki í einhvern tíma áður en hann er borinn fram.

Sætar kartöflur í hnetu- og engifersósu
Fyrir 4-6

• 2 tsk kókosfeiti
  
• 1 stór laukur, saxaður
  
• 4 hvítlauksgeirar, marðir
  
• 5 cm. engiferbútur, afhýddur og saxaður fínt
  
• 750 gr sætar kartöflur, saxaðar í smáa teninga
  
• 450 gr hvítkál, saxað í bita
  
• 1 tsk paprika
  
• 1 tsk cayennepipar (má sleppa til að hafa réttinn mildari)
  
• 400 gr saxaðir plómutómatar (ferskir eða í dós)
  
• 300 ml hreinn ananassafi
  
• 4 msk mjúkt hnetusmjör (maður á alltaf að kaupa lífrænt framleitt og án sykurs)
  
• Pipar
  
• Salt (t.d. Himalaya eða sjávarsalt)
  
  Ofan á
  
• 2 gulrætur, afhýddar og rifnar gróft á rifjárni
  
• 1 stór rauðrófa, afhýdd og rifin gróft á rifjárni
  
• 2 bananar, ágætlega þroskaðir sneiddir
  
• Safi af 1 límónu
  
• Hnefafylli ferskt coriander, rifið (má sleppa)
  
  Aðferð:
  
• Hitið 1 tsk af kókosfeitinni á stórri pönnu og bætið vatni við ef þarf.
  
• Steikið laukinn þangað til hann verður mjúkur.
  
• Bætið hvítlauknum og engiferinu saman við og steikið í nokkrar mínútur.
  
• Bætið hvítkálinu og sætu kartöflunum saman við og hitið vel.
  
• Þegar grænmetið fer að verða mjúkt bætið þá paprikunni og cayennepiparnum (ef notaður) saman við.
  
• Hrærið vel saman.
  
• Bætið tómötunum og ananassafanum saman við.
  
• Setjið lok á pönnuna og látið malla þangað til grænmetið er allt orðið mjúkt.
  
• Setjið hnetusmjörið saman við og hrærið allt vel saman.
  
• Saltið og piprið eftir smekk.
  
• Setjið í fallega skál og setjið bananasneiðarnar ofan á, svo gulræturnar og rauðkálið þar ofan á. Kreistið límónusafann yfir.
  
• Skreytið með coriander ef þið viljið.
  
• Berið fram með grjónum eða brauði.
  

Malooba - palestínskur kjúklingur

Þessa uppskrift fékk ég frá palestínskum skólabróður á háskólaárum mínum í Þýskalandi fyrir langa löngu en við elduðum stundum saman. Þetta er útgáfa móður hans af klassískum arabískum rétti sem heitir Malooba. Það er best að gera hann í mjög stórum potti og þetta er full máltíð fyrir um sex.

Það þarf þó ekki að hafa áhyggjur af hugsanlegum afgöngum. Þetta er einn af þessum réttum sem verður bara betri daginn eftir.

Hráefni

• 1 pakkning kjúklingaleggir
• 1 pakkning kjúklingalæri
• 1 lítill blómkálshaus
• 500 g kartöflur
• 2 laukar, saxaðir
• 6 hvítlauksgeirar, saxaðir
• 4 dl hrísgrjón (long grain)
• 1 dós grísk jógúrt
• 1 msk cummin
• 1 tsk cayennepipar
• 2 lárviðarlauf
• 2 dl olía
• Salt

Aðferð

1. Skerið kartöflurnar og blómkálið í sneiðar
2. Hitið olíu á pönnu og steikið kartöflursneiðarnar þar til að þær hafa tekið á sig góðan lit, 5-8 mínútur. Takið af pönnunni og geymið.
3. Steikið blómkálsbitana á pönnu þar til þeir hafa tekið á sig góðan lit. Geymið.
4. Hitið olíu í stórum, þykkbotna potti. Steikið kjúklingabitana í um 5 mínútur. Bætið við lauk og hvítlauk. Blandið vel saman og steikið áfram í 3-4 mínútur.
5. Bætið hrísgrjónunum saman við og blandið vel.
6. Setjið cummin, cayennepipar og lárviðarlauf saman við. (einnig er hægt að nota negulnagla og kardimommur þessu til viðbótar) Saltið.
7. Bætið steiktu kartöflunum og blómkálinu saman við.
8. Hellið vatni í pottinn þannig að það rétt þekji kjúklinginn, kartöflurnar og blómkálið.
9. Látið malla á vægum hita þar til að hrísgrjónin eru soðin og vatnið að mestu gufað upp.
10. Berið strax fram. Annað hvort í pottinum eða hellið yfir á stórt fat.

Berið fram með grískri jógúrt og fersku salati.

Tekið af mbl.is