Rauðkál

½ rauðkálshaus

100 g smjör

2 dl púðursykur

2 dl hrásykur

2 kanilstangir

3 dl rauðvínsedik

Setjið smjörið í pott og bræðið. Skerið rauðkálið smátt og setjið í pottinn. Látið það mýjast vel í smjörinu. Þá er sykrinum, kanilstöngunum og rauðvínsedikinu bætt út í. Látið sjóða í 40 mínútur.

Leyfið rauðkálinu að kólna á hellunni og setjið svo í krukkur.

Piparkökur

150 g (1 3/4 dl) ljós eða dökkur púðursykur
250 g (1 1/2 dl) síróp
1 tsk engifer
3 tsk kanill
1/2 - 2/4 tsk negull
150 g smjör eða smjörlíki
1 egg
2 tsk sódaduft
5-600 g hveiti (10-12 dl)
Suðan látin koma upp á sykri, sírópi og kryddi, sódaduft hrært saman við meðan það er heitt, þar til lögurinn er orðinn að léttri kvoðu. Smjörið sett í skál og blöndunni hellt heitri yfir.
Hrært í þar til smjörið er bráðið, blandið þá egginu í og síðast hveitinu, en ekki fyrr en blandan er alveg köld. Deigið hnoðað saman á borði. Þá má fletja það út strax og skera út kökur. Kringlóttar eða myndakökur sem skreyta má. Líka má gera kökuhús.
Líka má geyma deigið í kæliskáp í nokkra daga. Ekki nota meira hveiti en nauðsyn er þegar það er flatt út. Kökurnar eru bakaðar við 225 g hita í ca 8 mínútur. Kökurnar teknar af pönnunni strax, áður en þær harðna. Úr þessu eiga að koma 130-140 kökur af venjulegri stærð.

Rauðrófupottréttur

Rauðrófupottréttur

1 msk kaldpressuð olía, t.d. kókos eða ólífu

1 rauðlaukur, smátt saxaður

1 hvítlauksrif, pressað

1 msk fínt saxaður engifer

1 limelauf

1 ½ tsk malað cuminduft

1 tsk karrýduft eða curry paste

½ tsk turmeric

½ - 1 tsk himalayasalt

1/8 tsk cayenne pipar

3 stk meðalstórar rauðrófur

1 stk sæt kartafla

½ - 1 dós kókosmjólk

nokkrar kókosflögur*

ferskur kóríander

skerið laukinn í þunnar sneiðar, afhýðið rauðrófur og sætar kartöflur og skerið í litla bita. Mýkið laukinn í olíu í um 10 mín, en passið að hann brenni ekki. Kryddið og bætið rauðrófum, sætum kartöflum og kókosmjólk útí og sjóðið í minnst 1 klst. Mér finnst þessi réttur betri því lengur sem hann fær að sjóða. Þurristið kókosflögurnar á þurripönnu, fíntsaxið kóríanderinn og stráið þessu yfir réttinn áður en þið berið hann fram. Hann er frábær með fullt fullt af grænu salati.

Rauðrófu kokteill

1 kg rauðrófur

2 sellerístilkar

½ agúrka

5 cm biti fersk engiferrót

1 lime, afhýtt

½ tsk Alkalive duft

fullt af klaka

smá himalayasalt

setjið rauðrófur, sellerí, agúrku, engiferrót og lime í gegnum safapressu. Setjið þetta síðan í blandara með Alkalive duftinu, klakanum og smá himalayasalti og blandið vel saman.

Rauðrófusalat m/fræjum

2 rauðrófur, afhýddar og rifnar á grófu rifjárni

1 mangó, skorið í litla teninga

½ dl sesamfræ*

½ dl sólblómafræ*

½ dl graskerjafræ*

½ dl tamarisósa*

1 msk agavesýróp*

smá chilipipar og himalayasalt

salatsósa:

½ dl kaldpressuð ólífuolía

¼ dl ristuð sesamolía

2 msk sítrónu eða limesafi

2 msk tamarisósa*

2 msk fínt rifin engiferrót

1 hvítlauksrif, pressað

1 tsk wasabi duft eða ¼ tsk wasabi paste

Rífið rauðrófurnar á rifjárni og skerið mangóið í litla bita og setjið í skál. Setjið fræin í skál með tamarisósu, agavesýrópi og smá chilipipar og himalayasalti, blandið þessu vel saman og látið standa í um 15 mín. Þið getið annað hvort notað fræin svona marineruð eða marinerað þau fyrst og sett þau síðan í ofn og bakað þau við 200°c í um 5 mín. Setjið þau útí salatið. Hrærið öllu saman sem á að fara í salatsósuna og hellið yfir salatið.

Sætar kartöflur í hnetu- og engifersósu

Sætar kartöflur eru notaðar mikið í vestur Afríku og ásamt hnetum gerir þennan rétt bæði saðsaman og sætkryddaðan. Það er kannski svolítið skrítin innihaldlýsingin...ananassafi, hnetusmjör og hvítkál!!! Trúið mér samt að maturinn er rosa góður. Rétturinn hentar börnum einkar vel þar sem hann er mildur en mátulega kryddaður og fullur af hollu grænmeti. Þess skal þó gætt að börnin hafi ekki ofnæmi fyrir hnetum áður en þau byrja að borða matinn þar sem jarðhnetur eru einn almesti ofnæmisvaldur ungra barna. Þessi réttur er úr bókinni World Food Cafe og heitir eftir samnefndum veitingastað í London. Staðurinn er einn af mínum uppáhaldsstöðum í London og bókin er ein af mínum uppáhalds líka. Ég á eftir að setja inn margar uppskriftir úr þessarri bók á vefinn. Kannski geri ég einhvern tímann svona World Food Cafe Sigrun bók... hver veit! Gerið nóg af þessum mat því hann er rosa góður daginn eftir og helst ef hann fær að malla á vægum hita undir loki í einhvern tíma áður en hann er borinn fram.

Sætar kartöflur í hnetu- og engifersósu
Fyrir 4-6

• 2 tsk kókosfeiti
  
• 1 stór laukur, saxaður
  
• 4 hvítlauksgeirar, marðir
  
• 5 cm. engiferbútur, afhýddur og saxaður fínt
  
• 750 gr sætar kartöflur, saxaðar í smáa teninga
  
• 450 gr hvítkál, saxað í bita
  
• 1 tsk paprika
  
• 1 tsk cayennepipar (má sleppa til að hafa réttinn mildari)
  
• 400 gr saxaðir plómutómatar (ferskir eða í dós)
  
• 300 ml hreinn ananassafi
  
• 4 msk mjúkt hnetusmjör (maður á alltaf að kaupa lífrænt framleitt og án sykurs)
  
• Pipar
  
• Salt (t.d. Himalaya eða sjávarsalt)
  
  Ofan á
  
• 2 gulrætur, afhýddar og rifnar gróft á rifjárni
  
• 1 stór rauðrófa, afhýdd og rifin gróft á rifjárni
  
• 2 bananar, ágætlega þroskaðir sneiddir
  
• Safi af 1 límónu
  
• Hnefafylli ferskt coriander, rifið (má sleppa)
  
  Aðferð:
  
• Hitið 1 tsk af kókosfeitinni á stórri pönnu og bætið vatni við ef þarf.
  
• Steikið laukinn þangað til hann verður mjúkur.
  
• Bætið hvítlauknum og engiferinu saman við og steikið í nokkrar mínútur.
  
• Bætið hvítkálinu og sætu kartöflunum saman við og hitið vel.
  
• Þegar grænmetið fer að verða mjúkt bætið þá paprikunni og cayennepiparnum (ef notaður) saman við.
  
• Hrærið vel saman.
  
• Bætið tómötunum og ananassafanum saman við.
  
• Setjið lok á pönnuna og látið malla þangað til grænmetið er allt orðið mjúkt.
  
• Setjið hnetusmjörið saman við og hrærið allt vel saman.
  
• Saltið og piprið eftir smekk.
  
• Setjið í fallega skál og setjið bananasneiðarnar ofan á, svo gulræturnar og rauðkálið þar ofan á. Kreistið límónusafann yfir.
  
• Skreytið með coriander ef þið viljið.
  
• Berið fram með grjónum eða brauði.
  

Malooba - palestínskur kjúklingur

Þessa uppskrift fékk ég frá palestínskum skólabróður á háskólaárum mínum í Þýskalandi fyrir langa löngu en við elduðum stundum saman. Þetta er útgáfa móður hans af klassískum arabískum rétti sem heitir Malooba. Það er best að gera hann í mjög stórum potti og þetta er full máltíð fyrir um sex.

Það þarf þó ekki að hafa áhyggjur af hugsanlegum afgöngum. Þetta er einn af þessum réttum sem verður bara betri daginn eftir.

Hráefni

• 1 pakkning kjúklingaleggir
• 1 pakkning kjúklingalæri
• 1 lítill blómkálshaus
• 500 g kartöflur
• 2 laukar, saxaðir
• 6 hvítlauksgeirar, saxaðir
• 4 dl hrísgrjón (long grain)
• 1 dós grísk jógúrt
• 1 msk cummin
• 1 tsk cayennepipar
• 2 lárviðarlauf
• 2 dl olía
• Salt

Aðferð

1. Skerið kartöflurnar og blómkálið í sneiðar
2. Hitið olíu á pönnu og steikið kartöflursneiðarnar þar til að þær hafa tekið á sig góðan lit, 5-8 mínútur. Takið af pönnunni og geymið.
3. Steikið blómkálsbitana á pönnu þar til þeir hafa tekið á sig góðan lit. Geymið.
4. Hitið olíu í stórum, þykkbotna potti. Steikið kjúklingabitana í um 5 mínútur. Bætið við lauk og hvítlauk. Blandið vel saman og steikið áfram í 3-4 mínútur.
5. Bætið hrísgrjónunum saman við og blandið vel.
6. Setjið cummin, cayennepipar og lárviðarlauf saman við. (einnig er hægt að nota negulnagla og kardimommur þessu til viðbótar) Saltið.
7. Bætið steiktu kartöflunum og blómkálinu saman við.
8. Hellið vatni í pottinn þannig að það rétt þekji kjúklinginn, kartöflurnar og blómkálið.
9. Látið malla á vægum hita þar til að hrísgrjónin eru soðin og vatnið að mestu gufað upp.
10. Berið strax fram. Annað hvort í pottinum eða hellið yfir á stórt fat.

Berið fram með grískri jógúrt og fersku salati.

Tekið af mbl.is

Vindaloo kjúklingur

Vindaloo er að finna á matseðli flestra indverskra veitingahúsa en rétturinn kemur upprunalega frá Goa á vesturströnd Indlands. Þar er töluvert um portúgölsk áhrif og er talið að nafnið megi rekja til Carne de vinha d'alhos en uppistaðan í þeim rétti er svínakjöt, hvítlaukur og vínedik. Bætið við fullt af indverskum kryddum og útkoman er Vindaloo. Þetta er nokkuð kryddaður réttur en hægt er að stjórna því með því að fækka eða fjölga chili-piparnum.

1 kg svínahnakki

1 laukur, saxaður

2 tsk kóríanderfræ

2 tsk cumin-fræ

5 kardamommur, einungis fræin innan úr belgjunum

5 negulnaglar

1 kanilstöng

10 hvítlauksgeirar

3 sm engiferrót, flysjuð og rifin

3-5 rauðir chilipiparbelgir (þeir eru mildari ef þið fræhreinsið þá)

3 msk vínedik

2 dl cashewhnetur

10 svört piparkorn

Malið kanilstöng, kóríanderfræ, cuminfræ, piparkorn og negulnagla í morteli eða kaffikvörn.

Skerið kjötið í teninga. Maukið engifer, hvítlauk, chilipipar og vínedikið saman í matvinnsluvél. Bætið kryddblöndunni saman við. Blandið maukinu saman við kjötbitana og leyfið að marinerast í 1-2 klukkustundir.

Hitið olíu á pönnu. Setjið laukinn á pönnuna og steikið þar til að hann er orðinn mjúkur eða í um þrjár mínútur. Bætið kjötinu út á pönnuna og stekið í 5-6 mínútur eða þar til allir bitarnir hafa tekið á sig gylltan lit.

Setjið lok á pönnuna og lækkið hitann. Leyfið kjötinu að malla á pönnunni á mjög vægum hita í um 40 mínútur. Bætið örlítilli skvettu af vatni við ef þarf.

Hitið olíu á annarri pönnu og steikið cashewhneturnar þar til að þær eru orðnar gylltar.

Berið kjötið fram með hrísgrjónum, cashwhnetunum, naan-brauði og raita-jógúrtsósu.

Tekið af mbl.is

Lambapottur frá Kasmír

Lambapottur frá Kasmír

Þessi norður-indverska lambauppskrift er frá Kasmír héraði og heitir á frummálinu Kashmiri Gosht. Það er mikið af kryddum í henni og útkoman verður bragðmildur og mjúkur réttur.

1 kg beinlaust lambakjöt, t.d. innanlæri

1 laukur, saxaður

4-5 hvítlauksgeirar, fínsaxaðir

3 sm engiferrót, rifin niður á rifjárni

5 kartöflur, flysjaðar og skornar í fernt

2 tómatar, flysjaðir, kjarnhreinsaðir og grófsaxaðir

1 dl cashew-hnetur

1 dós grísk jógúrt

1 dl matreiðslurjómi eða rjómi

1 dl frosnar grænar baunir

5 negulnaglar

1 kanilstöng, brotin í þrennt

5 kardimommur

1 tsk cumin-fræ

1 tsk kóríanderkrydd

1/2 tsk turmeric

1/2 tsk cayennepipar

1 tsk paprikukrydd

1 tsk salt

Skerið kjötið í um 2 sm teninga. Þar sem að kryddunum er bætt við í tveimur skömmtum er gott að hafa þau tilbúin og setja saman í bolla eða glas. Annars vegar kanil, kardamommur, cumin og negul og hins vegar kóríander, papriku, cayenne, salt og túrmerik.

Setjið cashewhneturnar í matvinnsluvél ásamt um 1/2 dl af vatni. Maukið saman.

Hitið olíu á pönnu og bætið við kanil, kardamommum, cumin og negul. Látið kryddin malla í olíunni í eina til tvær mínútur og bætið þá lauk, hvítlauk og engifer saman við. Steikið í þrjár til fjórar mínútur eða þar til laukurinn er orðinn mjúkur. Þá er kóríander, túrmerik, cayenne, papriku og salti bætt út. Hrærið saman og bætið við lambinu. Steikið þar til allir bitarnir hafa tekið á sig lit. Bætið þá tómötum og kartöflum út á og steikið áfram í fimm mínútur.

Blandið cashewhnetumaukinu og jógúrti saman og setjið út í pottinn Hrærið saman, setjið lok á pottinn og lækkið hitann. Leyfið að malla í allt að þrjú korter.

Bætið þá baununum og rjómanum saman við og leyfið að malla í nokkrar mínútur í viðbót eða þar til að sósan er orðin þykk og fín.

Berið fram með Naan-brauði, basmati-grjónum t.d. indverskum kryddgrjónum ograita-jógúrtsósu.

Tekið úr Morgunblaðinu.

Tvær uppskriftir að kleinum

Uppskrift 1:
9 bollar hveiti
2 bollar sykur
125 gr brætt smjörlíki
3 egg
3 tsk lyftiduft
1 tsk matarsódi
1 - 3 tsk kardimommur
1 1/2 bolli súrmjólk
mjólk eftir þörfum




Uppskrift 2:
500 g hveiti
125 g sykur
50 g smjör
2 egg
3 tsk ger
1/2 tsk hjartarsalt
2 1/2 mjólk


Báðar þessar uppskriftir eru úr fórum mömmu. Veit hins vegar ekki hvor er betri.

Indverskur fiskur

3 ýsuflök

9 heilar kardimommur
9 negulnaglar
1 tsk turmerik
1 tsk cumin
1 kanilstöng
1 laukur
2 rauðir þurrkaðir chilli
4 hvítlauksrif
2 sm engiferrót
3 msk olía
70 g tómatpúrra
400 g létt kókosmjólk

Byrjið á því að rista kryddið á þurri pönnu í nokkrar sekúndur. Takið pönnuna af hellunni á meðan laukur, hvítlaukur, chilli og engiferrót eru mixuð saman í blandara. Ég setti chilli piparinn heilan, fræin og allt og var hann svolítið sterkur. Þeir sem vilja hafa matinn mildari geta fræhreinsað chilli piparinn. Gætið þess vel að hráefnið maukist vel saman.

Þá er olíunni bætt út á pönnuna og kryddið er látið veltast um í olíunni í fimm mínútur. Þá er laukmaukinu blandað út á pönnuna og því hrært vel saman. Látið þetta malla á pönnunni í aðrar fimm mínútur áður en kókosmjólkinni og tómatpúrrunni er blandað saman. Látið suðuna koma upp. Þá er ýsan skorin í lekkera bita og hún látin eldast í sósunni. Það tekur sirka tíu til fimmtán mínútur.

Gott er að borða hrísgrjón með réttinum og svo sakar ekki að hafa apríkósusultu með.

Stolið af netinu.

Spesíur

500 g hveiti (4 cups flour)
400 g smjör (14 oz butter)
150 flórsykur (1 1/4 cup powdered sugar

Allt hnoðað saman. Rúllað í stangir. Kælt. Skorið í skífur. Bakað í 5 mín. við 225º C (450 Fahrenheit).